ABŞ-də məhkəmə erməni bloqeri həbsdə saxladı

ABŞ-nin Nevada ştatının Las-Veqas şəhər məhkəməsi erməni bloqçu Vardan Qukasyanın vəkillərinin girovla bağlı müraciətini rədd edərək, onu həbsdə saxlayıb.

TodayPress xəbər verir ki, bu barədə “İravunk” qəzeti “Lev Group” hüquq firmasının rəhbəri Levon Baqdasaryana istinadən məlumat yayıb.

Onun sözlərinə görə, müdafiə tərəfi məhkəmə qərarını alıb və ona əsasən azadlığa buraxılması barədə vəsatət rədd edilib. Baqdasaryan işin təfərrüatlarını daha sonra təqdim edəcəyinə söz verib.

Xatırladaq ki, “İt” ləqəbi ilə tanınan videobloqçu Vardan Qukasyan bundan əvvəl ABŞ-nin miqrasiya orqanları tərəfindən saxlanılıb. Onun deportasiya ediləcəyi bildirilirdi. Ermənistan Qukasyanı bir neçə cinayət ittihamı ilə axtarışa verib.

O, hazırda həbsdə saxlanılır.