ABŞ Moldovaya rüsumları azaltdı

ABŞ hökuməti Moldovadan idxal olunan məhsullara tətbiq etdiyi ticarət rüsumlarını 31%-dən 10%-ə endirib. 

TodayPress xəbər verir ki, bu barədə Moldova prezidenti Maya Sandu “RIA”ya açıqlamasında bildirib.

“İlk dəfə Moldovaya qarşı tariflər tətbiq olunanda səbəb kimi göstərilmişdi ki, biz ABŞ-dən çox, ABŞ-yə ixrac edirik. Xüsusilə son bir ildə Moldovanın ABŞ-yə şərab ixracı əhəmiyyətli dərəcədə artdı. Bu səbəbdən 31%-lik rüsumlar qüvvədə idi. İndi isə 10%-lik baza səviyyəsinə qaytarıldı” deyə o izah edib. 

Qeyd edək ki, aprelin 2-də ABŞ prezidenti Donald Tramp 185 ölkədən idxal olunan mallara qarşı yeni tarif sistemini elan edib. Baza rüsum 10% müəyyən edilsə də, bəzi ölkələrə münasibətdə bu rəqəm daha yüksək olub: Çin üçün 34%, Vyetnam üçün 46%, Avropa İttifaqı üçün isə 20%.

Qiymət Mahir