ABŞ Türkiyəyə güzəştə gedir

ABŞ səlahiyyətliləri Türkiyəyə 2025-ci ilin may ayına qədər sanksiya tətbiq olunan “Qazprombank” vasitəsilə Rusiyadan təbii qaz almağa davam etməyə icazə verib.

TodayPress xəbər verir ki, bu barədə “Bloomberg” Türkiyə rəsmilərinin açıqlamalarına istinadən məlumat yayıb.

Türkiyənin Rusiya bankına qarşı sanksiyalardan azad edilməsi üçün verdiyi əvvəlki müddət martın 20-də başa çatıb. 

Xatırladaq ki, bundan əvvəl respublikanın hakimiyyət orqanları bu istisnanın uzadılması xahişi ilə ABŞ-yə müraciət etmişdilər.

Agentliyin mənbələrinin qeyd etdiyi kimi, Vaşinqton bu məsələdə Ankaraya güzəştə getməyə razılaşıb.

Qeyd edək ki, 2024-cü ilin noyabrında ABŞ-nin “Qazprombank”a tətbiq etdiyi sanksiyalar Türkiyə idxalına böyük təsir göstərib.

Ötən il Rusiya ixracatçıları respublikaya tədarük olunan bütün yanacaqların təxminən 45 faizini təmin ediblər. 

Aysel Mətləb