ABŞ və Yaponiya hərbi dəniz gəmiləri etirazlara səbəb oldu

ABŞ Hərbi Dəniz Qüvvələrinin “USS San Diego” amfibiya nəqliyyat dok gəmisi və Yaponiya Dəniz Özünümüdafiə Qüvvələrinə aid təlimlərə dəstək verən “Kurobe” gəmisi mülki obyektlərdən istifadə etməkdən çəkinmək üçün yerli tələblərə baxmayaraq, Yaponiyanın Okinava prefekturasındakı İşigaki limanına yanaşıb. 

TodayPress xəbər verir ki, bu barədə yerli media məlumat verib. 

Bildirilib ki, ərazidə hərbi mövcudluqdan narahat olan bir çox sakin limanın yaxınlığında toplaşaraq, gəmilərin dərhal yola salınmasını tələb edib. 

Xatırladaq  ki, İşigaki adasında ABŞ hərbi bazası yoxdur və əvvəlki insidentlərdə ABŞ hərbi təyyarələri də yerli hava limanlarına elan edilmədən eniş edib. Bu da sakinlərin həyatına təsir edib və narahatlıq doğurub. 

Aysel Mətləb