Almaniya iqtisadiyyatı durğunluq dövrünü yaşayır

Avrozonanın ən böyük iqtisadiyyatı olan Almaniyanın ümumi daxili məhsulu (ÜDM) 2025-ci ilin sonuna kimi dəyişməyəcək və sıfır artım göstərəcək.   

TodayPress xəbər verir ki, bu barədə “İnterfaks” Kil Dünya İqtisadiyyatı İnstitutunun (İfW) analitiklərinin proqnozuna istinadən məlumat yayıb. 

Ekspertlər Almaniya iqtisadiyyatının bu il tam tənəzzüllə üzləşəcəyini gözləyirlər.

Artan beynəlxalq rəqabət və ABŞ prezidenti Donald Trampın rəhbərlik etdiyi yeni Ağ Ev administrasiyasının idxal tarifləri təhlükəsini nəzərə alsaq, Almaniyanın ÜDM-nin hazırda üzləşdiyi struktur problemləri qısa müddətdə aradan qalxmayacaq. 

Tənəzzül bir sıra əlamətlərlə xarakterizə olunur: iqtisadi artımın və istehsal həcminin azalması, işsizliyin artması və s. Ekspertlər hesab edirlər ki, Almaniya iqtisadiyyatında böhrana yaxın vəziyyət 2025-ci ilin sonuna qədər davam edəcək. 

Vəziyyət yalnız 2026-cı ildə tədricən yaxşılaşmağa başlayacaq və bunun sonunda Almaniyanın ÜDM-i dekabrda gözlənilən 0,9 faiz əvəzinə 1,5 faiz arta bilər. Beləliklə, analitiklər Almaniya iqtisadiyyatında artımla bağlı təxminlərini 0,6 faiz bəndi artırıblar.

IfW iddia edir ki, təkmilləşdirilmiş dinamika parlament seçkilərində qalib gələn Fridrix Mertsin təkid etdiyi hökumət xərclərinin artmasına kömək edəcək. 

Töhfə Səməd