Almaniya xarici hərbi kontingent yerləşdirməyə başladı

Almaniya İkinci Dünya müharibəsindən sonra ilk dəfə olaraq xaricdə daimi hərbi kontingent yerləşdirməyə başlayıb.

TodayPress xəbər verir ki, bu barədə “Politico” yazıb.

Bildirilib ki, Berlin bu addımı NATO-nun şərq cinahını gücləndirmək və Rusiyanın Ukraynaya qarşı apardığı müharibəyə cavab olaraq atır.

Litvada yerləşdiriləcək yeni zirehli briqadanın tərkibində 5000 hərbçi olacaq. Bölmə tam tərkibdə 2027-ci ilə qədər döyüşə hazır vəziyyətə gətiriləcək və Vilnüsdən təxminən 30 kilometr cənubda yerləşən Rudninkayda inşa ediləcək yeni hərbi bazada dislokasiya olunacaq.

O vaxta qədər alman qoşunları Litvanın müvəqqəti bazalarından fəaliyyət göstərəcək.

NATO üçün bu yerləşdirmə alyansın “çevik müdafiə ilə qoruyucu çəkindirmə” strategiyasına keçidində mühüm mərhələ sayılır.

Qiymət Mahir