Anna Yevstiqneyeva: BMT sülhməramlı strategiyaları yenidən nəzərdən keçirməlidir

BMT-nin sülhməramlı missiyaları hazırda həyata keçirildiyi kimi işləmir və yenidən qiymətləndirilməlidir.

TodayPress xəbər verir ki, bunu Rusiyanın BMT-dəki daimi nümayəndəsi Anna Yevstiqneyeva bildirib.

"BMT-nin fəaliyyətinin sülhməramlı və siyasi aspektlərinə yenidən baxılmalı, təkmilləşdirilməli və real yanaşmalara qaytarılmalıdır" o, açıq müzakirədə vurğulayıb.

"Biz inanırıq ki, təşkilat ölkələrə münaqişənin qarşısını almaq, sülh sazişləri imzalamaq, onlara riayət olunmasını asanlaşdırmaq və sülhün bərqərar olmasına kömək etmək üçün 80 illik fəaliyyəti ərzində kifayət qədər təcrübə və alətlər toplayıb. Yarana biləcək istənilən vəziyyət üçün unikal həll yolu tapmaq olar" o əlavə edib.

Aynur TAC