Antonio Tayani Marko Rubio ilə əlaqə saxladıqlarını təsdiqlədi

İtaliyanın xarici işlər naziri Antonio Tayani ABŞ dövlət katibi Marko Rubio ilə əlaqə saxladıqlarını təsdiqləyib.

TodayPress xəbər verir ki, bu barədə “BBC” məlumat yayıb.

Tayaninin sözlərinə görə, söhbətə Böyük Britaniya, Fransa və Almaniyanın xarici işlər nazirləri, eləcə də Aİ-nin xarici siyasət xidmətinin rəhbəri Kaya Kallas da qoşulub. Rubio onlara Ər-Riyadda Rusiya nümayəndə heyəti ilə keçirdiyi görüşün detalları barədə məlumat verib.

İtaliya XİN rəhbəri bildirib ki, Avropa İttifaqı yalnız sanksiyalar məsələsi müzakirə olunacağı halda danışıqlarda iştirak edəcək:

“Rubionun sözləri çox aydın idi. Avropa danışıqlarda iştirak edəcək, çünki biz Rusiyaya qarşı sanksiyalar tətbiq etmişik və onlar qüvvədə qalır. Sanksiyalar və onları tətbiq edən ölkələr masada yoxdursa, danışıqlardan söhbət gedə bilməz” Tayani vurğulayıb.

ABŞ Dövlət Departamenti söhbətin baş tutduğunu və əsas mövzunun Rusiyayla danışıqlar olduğunu təsdiqləsə də, Avropa ölkələrinin prosesə qoşulacağına dair heç bir öhdəlik götürmədiyini bəyan edib.

Qiymət Mahir