Avropanın ən yüksək dövlət borclu ölkələri

Avropa İttifaqına (Aİ) üzv ölkələrin cəmi dövlət borcu ümumi daxili məhsulun (UDM) 81,5 faizinə bərabərdir.

TodayPress xəbər verir ki, məlumatı Avropa Statistika Ofisi (Avrostat) açıqlayıb. Qurumun statistikasına görə 6 ölkənin dövlət borcu ÜDM-in 100 faizini ötüb.

Ən yüksək borc səviyyəsi Yunanıstanda qeydə alınıb. Burada dövlət borcu ÜDM-in 163,6 faizinə bərabərdir. Növbəti yerləri İtaliya (137 faiz), Fransa (112,2 faiz), Belçika (108 faiz), İspaniya (105,3 faiz) və Portuqaliya (100,6 faiz) bölüşür.

İl ərzində Aİ ölkələrinin ümumi dövlət borcu 1 faizədək artıb.