Baş Nazir: Myanma zəlzələdən sonra xarici yardımı qəbul etməyə hazırdır

Myanmanın baş naziri Min Aunq Hlainq zəlzələdən əziyyət çəkən xalqının istənilən ölkədən yardım almağa hazır olduğunu və Hindistan, Cənub-Şərqi Asiya Ölkələri Assosiasiyasının  təkliflərinin qəbul edildiyini bildirib.

TodayPress xəbər verir ki, bu barədə “Reuters” xəbər yayıb.

Xəbər agentliyinin məlumatına görə, o, televiziya ilə çıxışı zamanı xarici dövlətləri ölkəsinə yardım etməyə çağırıb, həmçinin zəlzələ nəticəsində ölənlərin sayının hələ də arta biləcəyi barədə xəbərdarlıq edib.

Son məlumatlara görə, Myanmada zəlzələlər nəticəsində ümumilikdə 144 nəfər həyatını itirib, daha 732 nəfər yaralanıb.

Myanmada martın 28-də zəlzələ baş verib. Müxtəlif mənbələr zəlzələnin maqnitudasını 7,7-dən 7,9-a qədər qiymətləndirib. Bundan sonra 6,4 bal gücündə ikinci böyük zəlzələ baş verib. Son məlumata görə, Tailandın paytaxtında azı 8 nəfər ölüb, 110-dan çox insan itkin düşüb.

Aynur TAC