Boliviyada yağış 28 nəfərin həyatına son qoydu

Boliviyada güclü yağış səbəbindən baş verən daşqınlar nəticəsində ölənlərin sayı 28-ə çatıb, 4 nəfər itkin düşüb.

TodayPress xəbər verir ki, bu barədə “Sinxua” agentliyi məlumat yayıb.

Bildirilib ki, yağışlar ölkənin 9 əyalətindən səkkizinə təsir edib.

Boliviyanın 27 rayonunda fövqəladə vəziyyət elan edilib. Onlardan 22-si təbii fəlakətdən ən çox zərər çəkən La-Pas əyalətində yerləşir.

Boliviya Milli Hava və Hidrologiya Xidməti yağışların aprel ayına qədər davam edəcəyini proqnozlaşdırıb.

Nicat Osman