Britaniya Ottava Konvensiyasından çıxmağı nəzərdən keçirir

Böyük Britaniyada piyada əleyhinə minaların istifadəsini qadağan edən Ottava Konvensiyasından çıxmaq çağırışları  bir sıra ölkələrin müqavilədən çıxma qərarlarından sonra artır. 

TodayPress xəbər verir ki, bu barədə “Sky News” telekanalı məlumat yayıb. 

Krallığın hökuməti Ottava Konvensiyasında iştirak etmək öhdəliyinə sadiq qalır, lakin bəzi siyasətçilər ondan çıxmaq və ya ən azı ona yenidən baxılmasına nail olmaq istəyirlər.   

Məqalədə deyilir ki, bu yaxınlarda Lordlar Palatasında (parlamentin yuxarı palatası) bu məsələ ilə bağlı müzakirələr aparılıb, bir neçə üzv, o cümlədən keçmiş hərbi və humanitar işçilər Böyük Britaniyanı piyada əleyhinə minalardan istifadə məsələsinə daha açıq şəkildə baxmağa çağırıblar. 

Qeyd edək ki, Ottava Konvensiyası piyada əleyhinə minaların istifadəsini, yığılmasını, istehsalını və ötürülməsini qadağan edir və onların məhv edilməsini tələb edir.

O, 3 dekabr 1997-ci ildə Kanadanın Ottava şəhərində imzalanmış  və 1 mart 1999-cu ildə qüvvəyə minib.

Konvensiyaya 163 dövlət qoşulub.