Britaniya yeni radio dalğa silahını sınaqdan keçirdi

Böyük Britaniyada yeni radio dalğa silahı uğurla sınaqdan keçirilib.   

TodayPress xəbər verir ki, bu barədə Krallığın Müdafiə Nazirliyi məlumat yayıb. 

Bildirilib ki, silah, bir dəstə pilotsuz təyyarəni dərhal zərərsizləşdirə bilər.   

“Bu silahlar müharibənin təbiəti dəyişdikcə pilotsuz uçan aparat təhlükələrindən qorunmağa kömək etmək potensialına malikdir” deyə bəyanatda qeyd olunub. 

Əlavə olunub ki, bu silah yönləndirilmiş radiotezlik enerjisi silahının bir növüdür. 

İdarənin məlumatına görə, radiotezlikli silahlar sahəsində tədqiqat və təkmilləşdirmə işlərinə 40 milyon funt sterlinqdən çox vəsait xərclənib.

Britaniya Müdafiə Nazirliyi gələcəkdə bu cür silahların ənənəvi raket əsaslı hava hücumundan müdafiə sistemlərinə əlavə ola biləcəyini təklif edir. 

Silahın hətta elektron müharibə sistemləri tərəfindən tutula bilməyən təhlükələrə qarşı durmağa qadir olduğu vurğulanır. 

Töhfə Səməd