Çin Rusiya və İranla əməkdaşlığı dərinləşdirəcək

"Çin, Rusiya və İran digər ölkələrə zərər vermədən mübadilə və əməkdaşlığı davamlı olaraq dərinləşdirəcəklər".   

TodayPress xəbər verir ki, bunu İranın nüvə proqramı ilə bağlı Çin-Rusiya-İran formatında keçirilən görüşün yekunları üzrə Çin Xarici İşlər Nazirliyinin rəhbəri Van Yi deyib.   

"Çinin Rusiya və İranla yaxşı ikitərəfli əlaqələri var və ölkələrimiz Şanxay Əməkdaşlıq Təşkilatının və BRICS-in mühüm üzvləridir. Biz bloklara qoşulmamaq, qarşıdurma yaratmamaq, beynəlxalq əməkdaşlığın gücləndirilməsi, əməkdaşlığın möhkəmləndirilməsi və inkişafı üçün davamlı olaraq töhfə verməyə hazırıq" o bildirib. 

Türkan İsgəndərli