Çin Ukrayna münaqişəsinin həllinə dəstək verdi

"Çin Ukrayna münaqişəsinə dair davamlı sülh sazişinin tərəfdarıdır". 

TodayPress xəbər verir ki, bu barədə Çin Xarici İşlər Nazirliyinin rəsmi nümayəndəsi Mao Nin bildirib. 

“Ümid edirik ki, dialoq və danışıqlar yolu ilə tərəflər hər biri üçün məcburi və məqbul olan davamlı sülh sazişinə nail ola biləcəklər” diplomat deyib. 

Qeyd edək ki, Rusiya prezidenti Vladimir Putin belaruslu həmkarı Aleksandr Lukaşenko ilə danışıqlardan sonra ABŞ-nin Ukraynada 30 günlük atəşkəs təklifi ilə razılaşdığını bildirib.   

Türkan İsgəndərli