Dubayda 15 özbəkistanlı saxlanıldı

Birləşmiş Ərəb Əmirliklərinin Dubay şəhərində aprelin 20-də baş verən kütləvi dava nəticəsində 15 Özbəkistan vətəndaşı saxlanılıb. 

TodayPress xəbər verir ki, bu barədə Özbəkistan Xarici İşlər Nazirliyinin mətbuat katibi Axror Burxanov məlumat verib.

Onun sözlərinə görə, BƏƏ tərəfi hadisə ilə bağlı istintaqın davam etdiyini və bu kimi hüquq pozuntularının son dövrlərdə artmasının iki ölkə arasındakı vizasız rejimə təsir edə biləcəyini bildirib.

Sosial şəbəkələrdə yayılan “BƏƏ-nin özbək vətəndaşlarının ölkəyə girişini qadağan etməsi” barədə iddialara münasibət bildirən Burxanov bu məlumatları təkzib edib. O qeyd edib ki, hazırda Özbəkistan və BƏƏ arasında vizasız rejim qüvvədə qalır və belə bir qadağa tətbiq olunmayıb.

Qiymət Mahir