Əfqanıstanda sel kütləvi ölümə səbəb oldu

Əfqanıstanın Fərəh əyalətində güclü yağış və daşqınlar nəticəsində azı 21 nəfər həlak olub, 6 nəfər isə yaralanıb. 

TodayPress xəbər verir ki, bu barədə təbii fəlakətlərin idarə olunması üzrə əyalətin direktoru Məhəmməd İsrael Sayar məlumat verib. 

O, bildirib ki, şiddətli yağışlar əyalətin Kala-i-kah rayonu yaxınlığında daşqınlara səbəb olub. 

Qeyd edək ki, Əfqanıstanın əksər bölgələrinə fevralın 24-dən etibarən yağış və qar yağıb. Ölkənin meteorologiya departamenti 34 əyalətdən 32-də qar və yağışla yanaşı, daşqınlar olacağını proqnozlaşdırıb. 

Aysel Mətləb