HƏMAS: İsrail qoşunlarını Filadelfiya dəhlizindən çıxarmadı

İsrail müəyyən edilmiş müddətdə Misir və Qəzza zolağını ayıran Filadelfiya dəhlizindən öz silahlı qüvvələrini çıxarmayıb və bununla da anklavda atəşkəs ilə bağlı razılaşmanı pozub.

TodayPress xəbər verir ki, bu barədə Fələstinin HƏMAS hərəkatının teleqram kanalında müvafiq bəyanat dərc olunub.

“İsrail atəşkəsin birinci mərhələsində Salah əd Din oxundakı (Filadelfiya dəhlizi) qüvvələrini tədricən azaltmaq öhdəliyini yerinə yetirmədi və qırx ikinci gündə qoşunlarını oradan çıxarmağa başlamadı” bəyanatda vurğulanır.

HƏMAS-dan vurğulanıb ki, razılaşmaya əsasən, İsrail qüvvələrinin Filadelfiya dəhlizindən çıxarılması razılaşmanın əllinci gününə, yəni martın 10-na kimi başa çatdırılmalı idi.

“Vasitəçiləri və beynəlxalq ictimaiyyəti işğalçının geri çəkilməsini və gecikmədən ikinci mərhələdə danışıqların bərpasını təmin etmək üçün vəziyyətə dərhal müdaxilə etməyə çağırırıq” hərəkatdan qeyd edilib.