TodayPress xəbər verir ki, Əl-Buxaiti bu fikirləri "X" sosial şəbəkə hesabında yazıb. 

O bildirib ki, qrup İsrail Qəzza zolağındakı hərbi əməliyyatlarını dayandırana və bu mühasirədə olan əraziyə humanitar yardım, ərzaq və dərmanların daxil olmasına icazə verənə qədər öz əməliyyatlarını davam etdirəcək. O, bu bəyanatla aprelin 12-də baş tutması gözlənilən ABŞ və İran nümayəndələri arasında keçiriləcək görüşə istinad edib. Görüşdə İranın nüvə proqramı və Yaxın Şərqdəki məsələlərin müzakirə olunacağı bildirilib. 

Qeyd edək ki, martın 15-də husilərin İsraillə əlaqəli gəmiləri hədəf alacağı ilə bağlı təhdidlərindən sonra ABŞ ordusu Yəmənin husilərin nəzarətində olan şimal bölgəsinə hava zərbələrini bərpa edib. 

O vaxtdan etibarən ABŞ hərbi hava qüvvələri hər gün şimal Yəməni bombardman edir. ABŞ ordusu bu hücumlar nəticəsində onlarla husi liderinin öldürüldüyünü və ciddi hərbi infrastrukturun məhv edildiyini iddia etsə də, husilər bu iddiaları təkzib edirlər.