İstanbul Böyükşəhər Bələdiyyəsinin maşınında 8 qeyri-qanuni miqrant saxlanıldı

Dünya

09.04.2025 22:00

22

Türkiyənin Ədirnə vilayətində İstanbul Böyükşəhər Bələdiyyəsinə (İBB) məxsus yük maşınında 8 qeyri-qanuni miqrant saxlanılıb, avtomobili idarə edən İBB işçisi isə həbs edilib.

TodayPress  xəbər verir ki, saxlanılan miqrantlardan beşinin Suriya, üçünün isə İraq vətəndaşı olduğu müəyyən edilib. Avtomobildə aparılan axtarış zamanı bir şişmə qayıq da aşkarlanıb.

Yoxlama zamanı nəqliyyat vasitəsinin sürücüsünün İBB-də işlədiyi, başqa bir şirkət adına rəsmiləşdirilən maşınının isə bələdiyyənin yaşıllaşdırma işlərindən cavabdeh qurumu tərəfindən icarəyə götürüldüyü müəyyən edilib.

tag: Türkiyə, Miqrant, İstanbul, Bələdiyyə, Suriya, İraq, todaypress.az,