İsveç Ukraynaya ən böyük yardım paketini ayırdı

İsveç Ukraynaya 16 milyard İsveç kronu (təxminən 1,59 milyard ABŞ dolları) dəyərində hərbi yardım paketi verəcək.

TodayPress xarici mediaya istinadən xəbər verir ki, bu, müharibə başlayandan bəri Skandinaviya ölkəsindən ən böyük yardım paketidir.

Yardımın ən böyük hissəsi - 9 milyard kron - İsveçin Ukraynaya təhvil verəcəyi silah və avadanlıqların alınmasına yönəldiləcək.

"Biz yardımın təqribən 70%-nin 2025-ci ildə, qalan hissəsinin isə 2026-cı ildə çatdırılmasını gözləyirik" İsveçin müdafiə naziri Poul Conson bildirib.