Litvada dördüncü ABŞ hərbçisinin cəsədi tapıldı

Ötən həftə Litvada təlim keçdikdən sonra itkin düşən dördüncü ABŞ hərbçisi vəfat edib.

TodayPress xəbər verir ki , məlumatı ABŞ Ordusunun (Quru Qüvvələri) Avropa və Afrikadakı komandanlığı təsdiqləyib.

“ABŞ ordusunun 1-ci Zirehli Briqada Döyüş Komandası, 3-cü Piyada Diviziyasına təyin edilmiş dördüncü əsgər Pabrade ploqonu  yaxınlığında ölü tapılıb” məlumatda deyilir.

Baltikyanı respublikanın prezidenti Gitanas Nauseda hərbçinin vəfatı ilə bağlı başsağlığı verib.

Xatırladaq ki, martın 25-də axşam saatlarında Litvanın Pabrade şəhərindəki mərkəzi hərbi poliqonunda təlimlərdən sonra 4 amerikalı hərbçi M88 Hercules zirehli reabilitasiya maşınında yoxa çıxıb. Helikopterlərin cəlb olunduğu uzun axtarışlardan sonra ARV bataqlıqda tapılıb.