Lukaşenko Putinlə atəşkəs məsələsini müzakirə edəcək

Belarus prezidenti Aleksandr Lukaşenko cümə günü Rusiya prezidenti Vladimir Putinlə Ukraynada təklif olunan atəşkəsə münasibətini müzakirə edəcəyini bildirib.

TodayPress xəbər verir ki, bu barədə “TASS” məlumat yayıb.

"Putin dünən ABŞ nümayəndəsini dinləyib. Onunla razı olub-olmadığını indi mənə deyəcək. Həmişə olduğu kimi, axşam yeməyi yeyib axşama qədər bu məsələni müzakirə edəcəyik" o bildirib.

Belarus prezidenti əlavə edib ki, Ukraynada atəşkəslə bağlı hələ də çoxsaylı suallar var.

"Vladimir Putinin hazırda haqlı olaraq dediyi budur: tamam, atəşkəs var, biz daha atəş açmırıq, biz öldürmürük, amma Ukrayna bu müddət ərzində nə edəcək? Ukraynalıların da eyni sualı olacaq: ruslar bu müddət ərzində nə edəcək? Rusiyada onu nəzarətdə saxlamaq xeyli çətin olacaq" Lukaşenko bildirib.

Belarus prezidentinin sözlərinə görə, 30 günlük atəşkəs dövründə Ukraynaya hələ də silah-sursat veriləcəkmi sualı hələ də cavabsızdır.

Aynur TAC