Macarıstanın səsvermə hüququndan məhrum edilməsi təklif edildi

Ümumavropa Volt partiyasının üzvləri Macarıstanın birgə qərarları mütəmadi olaraq əngəllədiyini nəzərə alaraq, Aİ-də səsvermə hüququnun əlindən alınmasını tələb edirlər.

TodayPress “Politico”ya istinadən xəbər verir ki, ideya Avropa Birliyinin martın 6-da keçiriləcək sammitindən əvvəl Avropalı deputatların Avropa liderlərinə göndərəcəyi planda yer alıb.

Nəşrin məlumatına görə, plana doqquz bənd daxildir. Macarıstanın səsvermə hüququndan məhrum edilməsi təklifi ilə yanaşı, sənəddə Aİ-nin xarici işlər və təhlükəsizlik siyasəti üzrə ali nümayəndəsi Kaja Kallasın Aİ-nin tamhüquqlu xarici işlər naziri təyin edilməsi təşəbbüsü də var.

Bundan əlavə, Volt ümumavropa ordusunun yaradılmasını, həmçinin Aİ-nin səlahiyyətlərini yeni üzvlərin daxil edilməsi və Aİ müqavilələrinə yenidən baxılması imkanını təmin etməklə müdafiə sahəsində genişləndirməyi təklif edir.

Qiymət Mahir