Marko Rubio: Bazarlar ABŞ-nın rüsumlarına uyğunlaşır

Qlobal bazarlar ABŞ administrasiyası tərəfindən daha əvvəl tətbiq edilən rüsumlara uyğunlaşır.

TodayPress xəbər verir ki, bunu ABŞ Dövlət katibi Marko Rubio "C-Span" televiziyasının yayımladığı mətbuat konfransında bildirib.

"İqtisadiyyat çökmür. Bazarlar ticarət baxımından qlobal nizamda dramatik dəyişikliyə reaksiya verir. Bazarlar uyğunlaşacaq. Dünyadakı bizneslər, o cümlədən ticarət və qlobal ticarətdə onlar sadəcə qaydaların nə olduğunu bilməlidirlər. Qaydaların nə olduğunu bildikdən sonra bu qaydalara uyğunlaşacaqlar" Rubio bildirib.

Aprelin 2-də ABŞ prezidenti Donald Tramp 185 ölkə və ərazidən gələn məhsullara gömrük rüsumları tətbiq ediləcəyini açıqlayıb. 10%-lik universal tariflər aprelin 5-dən qüvvəyə minəcək. Ayrı-ayrı tariflər isə aprelin 9-dan qüvvəyə minəcək. ABŞ administrasiyası həmçinin idxal edilən bütün avtomobillərə 25% gömrük rüsumları qoyub.

Aynur TAC