Myanmada yenidən zəlzələ oldu

Myanmanın Mandalay şəhərindən 53 kilometr aralıda 4,9 bal gücündə zəlzələ qeydə alınıb.

TodayPress xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.

Zəlzələ 1,2 milyondan çox əhalisi olan Mandalaydan 53 kilometr cənubda qeydə alınıb. Zəlzələnin ocağı 35 kilometr dərinlikdə yerləşib. Tələfat və dağıntılar barədə məlumat verilmir.

Myanmada martın 28-də 7,7 bal gücündə güclü zəlzələ baş verib. Nəticədə 3 mindən çox insan həyatını itirib.