“Nike” 4,5 milyard dollarlıq kredit sazişi bağladı

Amerikanın idman malları istehsalçısı “Nike Inc.” “Bank of America Corp.” ilə ümumi məbləği 4,5 milyard dollar olan iki kredit sazişi imzalayıb.   

TodayPress xəbər verir ki, bu barədə məlumat ABŞ-nin Qiymətli Kağızlar və Birja Komissiyasının (SEC) saytında yayımlanıb. 

Bildirilib ki, ilk saziş 364 günlük müddəti əhatə edir və 6 mart 2026-cı il tarixinədək qüvvədə olacaq. Bu müddət ərzində “Nike” 1 milyard dollar məbləğində kredit götürə bilər. Daha sonra tərəflərin razılığı ilə bu məbləğ 1,5 milyard dollara qədər artırıla bilər. 

İkinci sazişin müddəti 7 mart 2030-cu il tarixinədək qüvvədə olacaq. Saziş çərçivəsində Nike 2 milyard dollar kredit əldə edə bilər və məbləğ 3 milyard dollara qədər artırıla bilər. Müqaviləyə əsasən, müddət hər biri bir il olmaqla iki dəfə uzadıla bilər. 

Qiymət Mahir