Qəzzada qida çatışmazlığı artdı

Təxminən 2 milyon insanın heç bir qida mənbəyi olmadan yaşadığı Qəzza zolağında humanitar böhran getdikcə pisləşir.

TodayPress xəbər verir ki, bu barədə BMT-nin Ümumdünya Ərzaq Proqramı (ÜƏP) bildirib.

"Qəzza zolağında humanitar böhran getdikcə artır. Əksəriyyəti köçkün olan 2 milyona yaxın insan hazırda heç bir gəlir mənbəyi olmadan yaşayır və ərzaq ehtiyaclarını ödəmək üçün tamamilə humanitar yardımdan asılıdır" deyə bildirilib.

ÜƏP anklavda ərzaq ehtiyatlarının kəskin azalması və əsas həyati xilasedici resursların kəskin çatışmazlığından ciddi narahatlığını ifadə edib.

Qeyd edilib ki, kritik vəziyyəti İsrailin Qəzza zolağına həyati əhəmiyyətli ərzaq ehtiyatlarının çatmasına mane olan sərhəd keçidlərini bağlaması daha da ağırlaşdırır.