Qırğızıstan Tacikistanla sərhəd müqaviləsini ratifikasiya etdi

Qırğızıstan parlamenti Tacikistanla dövlət sərhədi haqqında sazişi ratifikasiya edib.   

TodayPress “TASS”a istinadən xəbər verir ki, sənəd səs çoxluğu ilə təsdiqlənib.   

Bildirilib ki, 85 deputat sənədi dəstəkləyib, 1 deputat isə əleyhinə səs verib.   

Müvafiq sazişi martın 13-də Bişkekdə Qırğızıstan dövlətinin başçısı Sadır Japarov və Tacikistan prezidenti Emoməli Rəhmon imzalayıblar.   

Bundan əlavə, 2 ölkə 2021-ci ildə bağlanan hava nəqliyyatının bərpa edilməsi haqqında razılığa gəliblər.   

Qeyd edək ki, Qırğızıstanla Tacikistan arasındakı sərhədin uzunluğu 984 km-dir.

Onun delimitasiyası ilə bağlı danışıqlar 2002-ci ilin dekabrından bəri davam edir.   

Aysel Mətləb