Qlobal iqtisadi artım 2.3%-ə qədər azalacaq

Qlobal iqtisadi artım 2.3%-ə qədər zəifləyə bilər. 

TodayPress xəbər verir ki, bu barədə BMT-nin Ticarət və İnkişaf üzrə Konfransının (UNCTAD) bu il üçün ticarət və inkişaf perspektivinə dair dərc etdiyi hesabatda qeyd edilib. 

Bildirilib ki, ticarət gərginlikləri və qeyri-müəyyənlik qlobal iqtisadiyyatı tənəzzülə doğru aparır. 

“Qlobal iqtisadi artımın 2025-ci ildə 2.3%-ə qədər zəifləyəcəyi proqnozlaşdırılır, bu da dünya iqtisadiyyatını tənəzzül yoluna yönəldir” deyə UNCTAD-ın hesabatında qeyd edilib. 

Qeyd edək ki, ticarət sahəsindəki qeyri-müəyyənliklər bu ay maliyyə bazarlarını sarsıdıb. ABŞ Prezidenti Donald Tramp 2 aprel tarixində bir çox ölkələrə qarşı geniş miqyaslı tariflər tətbiq etdiyini açıqlayıb.

Tramp bir neçə gün sonra onlarla ölkəyə qarşı tətbiq olunan yüksək rüsumları gözlənilmədən dayandırsa da, Çinə qarşı 145%-ə qədər daha sərt tariflər tətbiq edib.