Qonçarenko maliyyə yardımının dayandırılmasına qarşı plan təklif etdi

Ukrayna Ali Radasının deputatı Aleksey Qonçarenko ABŞ-nin Kiyevə maliyyə yardımını dayandırması ilə bağlı vəziyyətin kritik olduğunu, lakin hələ də ümid olduğunu bildirib. 

TodayPress xəbər verir ki, o, öz “Telegram” kanalında Ukraynanın bu şəraitdə atmalı olduğu addımları açıqlayıb.

Deputat qeyd edib ki, günahkar axtarmaq və emosional reaksiyalar vermək əvəzinə konkret fəaliyyət planına fokuslanmaq lazımdır. O, beş əsas istiqamət irəli sürüb.

Birinci olaraq, ABŞ Prezidenti Donald Trampın administrasiyası ilə dialoq qurulmalıdır. Onun fikrincə, əgər Ağ Ev rəhbəri üzr gözləyirsə, bunu etmək lazımdır, çünki əsas məsələ insanların həyatını qorumaqdır.

İkinci addım kimi, Kiyev ABŞ-dakı həm respublikaçılar, həm də demokratlarla aktiv işləməlidir. Qonçarenko bildirib ki, artıq konqresmen Brayan Fitspatrik ilə əlaqə qurulub və bu istiqamət inkişaf etdirilməlidir.

Bundan başqa, Ukrayna ABŞ-nin maliyyə dəstəyi olmadan sağ qalmaq üçün real plan hazırlamalıdır. Deputat vurğulayıb ki, bu plan mövcud resurslara əsaslanmalı və reallıqdan uzaq gözləntilərə arxalanmamalıdır.

Həmçinin, ABŞ administrasiyasına təsir imkanları olan amerikalı protestantlarla əməkdaşlığın gücləndirilməsi təklif olunub. Qonçarenko xatırladıb ki, Ukrayna Avropanın ən böyük protestant ölkəsidir və bu faktor nəzərə alınmalıdır.

Sonda deputat emosional reaksiyalardan qaçaraq rasional hərəkət etməyə çağırıb. O, Ukraynanın hazırda ABŞ prezidenti olan Tramp ilə münasibətlər qurmalı olduğunu, ona qarşı mübarizə aparmamalı olduğunu vurğulayıb.

Qonçarenko əlavə edib ki, vəziyyət hələ ümidvericidir, lakin uğur qazanmaq üçün daxili fikir ayrılıqlarına son qoymaq və ölkənin maraqlarını qorumağa yönəlmiş konkret addımlar atmaq lazımdır. O, Ukraynanın sülhə nail olmalı olduğunu, lakin bunun təslim olmaq anlamına gəlmədiyini qeyd edib.

Qiymət Mahir