Rusiya Kubaya 100 min ton neft tədarük etdi

Rusiya dövlət krediti çərçivəsində Kubaya 100 min metrik ton neft tədarük edib və respublikaya iqtisadi dəstək və humanitar yardım göstərməyə davam edəcək.

TodayPress xəbər verir ki, bunu Baş nazirin müavini Dmitri Çernışenko bildirib.

“Rusiya Federasiyası Prezidentinin qərarı ilə Havanaya dövlət krediti verilib və onun çərçivəsində fevralın 19-da Kubaya təqribən 100 min metrik ton Rusiya nefti çatdırılıb” deyə rəsmi ticarət-iqtisadi və elmi-texniki əməkdaşlıq üzrə hökumətlərarası komissiyanın plenar iclasında bildirib.

Çernışenko əlavə edib ki, Rusiya Kubaya ikitərəfli kanallar və ixtisaslaşmış beynəlxalq qurumlar vasitəsilə iqtisadi dəstək və humanitar yardım göstərməyə davam edəcək.

Aynur TAC