Rusiya rumıniyalı diplomatları “persona non-grata” elan etdi

Rusiya Rumıniyanın Moskvadakı səfirliyindəki müdafiə attaşesini və onun müavinini “persona non-grata” elan edib. 

TodayPress xəbər verir ki, bu barədə Rusiya Xarici İşlər Nazirliyi məlumat yayıb.

Rumıniyanın Rusiyadakı səfirliyinin müvəqqəti işlər vəkili aprelin 9-da Rusiya Xarici İşlər Nazirliyinə çağırılıb və ona qərara dair diplomatik nota təqdim edilib.

Moskva bildirib ki, bu tədbir Buxarestin əvvəlki qərarına cavabdır. 

Xatırladaq ki, martın 5-də Rumıniya Rusiyanın Buxarestdəki səfirliyindəki Rusiya hərbi, hava və dəniz attaşesini, onun müavinini “persona non-grata” ilə yanaşı, “1961-ci il Diplomatik Münasibətlər haqqında Vyana Konvensiyasını pozan fəaliyyətlərdə iştirak etməkdə” ittiham edib. 

Töhfə Səməd