Rusiya üç moldovalı diplomatı ölkədən çıxarır

Rusiya Moldovanın ölkədəkı səfirliyinin üç əməkdaşını “persona-non-grata” (arzuolunmaz şəxs) elan edib. 

TodayPress xəbər verir ki, bu barədə Rusiya Xarici İşlər Nazirliyi məlumat yayıb.

Məlumata görə, aprelin 4-də Moldovanın Rusiyadakı səfiri Lilian Dariye Rusiya XİN-ə dəvət olunub və ona Moldova hökumətinin martın 31-də Rusiyanın Kişinyovdakı səfirliyinin üç əməkdaşını “diplomatik statusa uyğun olmayan fəaliyyətə görə” ölkədən çıxarmaq qərarına rəsmi etiraz təqdim edilib.

“Rusiya Federasiyasının Moldovadakı səfirliyi 1961-ci il Vyana Konvensiyasının müddəalarına tam şəkildə uyğun fəaliyyət göstərir.

Rusiya diplomatik missiyasının Moldova Respublikasının daxili işlərinə müdaxilədə ittiham olunması əsassızdır” deyə Rusiya XİN-in açıqlamasında bildirilir.

Lilian Dariyeyə Rusiyanın qarşılıqlı addım olaraq Moldovanın üç diplomatik nümayəndəsini ölkədən çıxarmaq qərarını əks etdirən nota təqdim olunub. Həmin şəxslərin Rusiya ərazisini tərk etməli olduqları vurğulanıb.

Qiymət Mahir