Rusiya və Sudan hərbi baza ilə bağlı razılığa gəldilər

“Sudan və Rusiya hərbi dəniz bazası razılaşması ilə bağlı hər şey haqqında anlaşıblar”. 

TodayPress xəbər verir ki, bunu fevralın 12-də Sudanın Xarici İşlər naziri Əli Yusif Şərif Moskvada Rusiya Xarici İşlər naziri Sergey Lavrovla danışıqların yekununda bildirib. 

“Məsələdə qarşılıqlı anlaşma əldə etmişik” deyə o qeyd edib. 

Xatırladaq ki, 2023-cü ildə Sudan hakimiyyəti ölkədəki vətəndaş münaqişəsinin həllində kömək üçün Rusiyaya müraciət etmişdi. Lavrov Moskvanın Sudanda vəziyyətin normallaşmasına kömək etməkdə maraqlı olduğunu vurğulamışdı. 

Aysel Mətləb