Serbiya parlamenti Baş nazirin istefasını qəbul etdi

Serbiyanın Milli Assambleyası (birpalatalı parlament) ölkənin Baş naziri Miloş Vuçeviçin istefasını təsdiqləyib. 

TodayPress xəbər verir ki, bu barədə Serbiyanın Radio Televiziyası məlumat yayıb. 

Həmçinin bildirilib ki, əgər aprelin 18-dək yeni hökumət qurulmasa, növbədənkənar parlament seçkiləri iyunun əvvəlində keçiriləcək.

Məlumata görə, yeni hökumətin formalaşdırılması martın 20-də başlayacaq.   

Qeyd edək ki, Vuçeviç yanvarın 28-də prezidentin hökumət dəyişikliyi ilə bağlı açıqlaması fonunda istefa verib. 

 Türkan İsgəndərli