Sergey Şoyqu Ermənistana ciddi xəbərdarlıq etdi

“Ermənistanın Avropa İttifaqına daxil olması o demək olacaq ki, o, Rusiya əleyhinə sanksiyalara qoşulmalı və Ukraynanı silahla təmin etməli olacaq”.

TodayPress  xəbər verir ki, bunu Rusiya Təhlükəsizlik Şurasının katibi Sergey Şoyqu bildirib.

Rəsmi İrəvana xəbərdarlıq edən Şoyqu deyib: “Ermənistan Avropa sanksiyalarına və Avropa İttifaqının hərbi-siyasi qərarlarına, o cümlədən bu cür alətlər çərçivəsində məsələn, Aİ-nin ümumi təhlükəsizlik və müdafiə siyasəti və Avropa Sülh Fondunun qərarlarına qoşulmalı olacaq. Bu fond Ukraynanın silahlı qüvvələrinə maliyyə dəstək verir”.

Katib qeyd edib ki, Avropa İttifaqına mümkün qəbulunda Ermənistan nəinki iqtisadi problemlərlə üzləşəcək, həm də Rusiyaya qarşı sanksiyaların tətbiqinə qoşulmağa məcbur olacaq və Brüssel də bunda israrlı olacaq.

Şoyqu xatırladıb ki, Rusiyadan Ermənistana pul köçürmələri ölkənin ÜDM-nin təxminən 15%-ni təmin edir: “Ermənistan Avropa İttifaqına daxil olarsa, bir çox imtiyazlarını itirəcək, çünki Avrasiya İqtisadi İttifaqından (Aİİ) çıxmalı olacaq. Ən mühafizəkar hesablamalara görə, Aİİ-dən Avropa İttifaqına daxil olmaq üzrə danışıqlar prosesi mərhələsində çıxmaq Ermənistana ÜDM-nin 30-40%-nə başa gələcək. Bu, ölkə iqtisadiyyatına kritik ziyan vuracaq, istehsalın azalması, əmək bazarının daralması, işsizliyin və inflyasiyanın artması həyat səviyyəsinin kəskin şəkildə aşağı düşməsinə səbəb olacaq. Eyni zamanda, İrəvan Avropa iqtisadiyyatının vəziyyətini nəzərə alaraq Aİ-nin səxavətli subsidiyalarına bel bağlamamalıdır”.

Onun sözlərinə görə, avrointeqrasiya perspektivi müqabilində Ermənistan vətəndaşları Aİİ-nin vahid əmək bazarının verdiyi imtiyazlardan, o cümlədən icazəsiz məşğulluqdan, sadələşdirilmiş qeydiyyatdan, pulsuz tibbi xidmətdən və təhsildən imtina etməli olacaqlar:

“Ölkənin əhəmiyyətli payı Rusiyada işləyən Ermənistan vətəndaşlarının köçürmələri təşkil edir. Nəzərə alsaq ki, çoxları öz vətənlərinə qayıtmalı olacaq, Avropa isə onları gözləmir, Ermənistan iqtisadiyyatına xaricdən nağd pul axınının və kifayət qədər əhəmiyyətli dərəcədə azalacağını əminliklə proqnozlaşdırmaq olar. Ermənistan Aİ tələblərinə cavab vermək üçün bütün standartlar və sertifikatlaşdırma sistemini yenidən qurmalı olacaq.

Praktikada bu, minimumda - durğunluq, maksimumda isə mövcud sənayenin, o cümlədən metallurgiya, yeyinti və yüngül sənayenin məhv edilməsi deməkdir. Oxşar mənzərəni artıq Baltikyanı respublikaların timsalında da müşahidə etmək olar. Ukrayna da bir vaxtlar bundan əziyyət çəkdi, o zaman qanunvericiliyinin Aİ-nin hüquqi normalarına, o cümlədən üçüncü enerji paketinə uyğunlaşdırılması sənaye istehsalının və enerjinin deqradasiyasına gətirib çıxardı”.