Sərxoş kişi məscidi dağıtdı

Yakutiyanın paytaxtı Yakutskda sərxoş vəziyyətdə olan şəxs məscidə daxil olaraq dağıntı törədib.

TodayPress xəbər verir ki, bu barədə yerli “SakhaDay” nəşri məlumat yayıb. 

Hadisə mayın 5-i səhər saatlarında Abdul-Xalim Auşev adına Mərkəzi Məsciddə baş verib.

Naməlum şəxs ikinci mərtəbəyə çıxaraq divar üzlüyünü zədələyib.

Şahidlərin sözlərinə görə, həmin şəxs özünü qeyri-adekvat aparıb. Hadisədən sonra isə yerə oturaraq könüllü şəkildə polisin gəlməsini gözləyib.

Polis əməkdaşları onu hadisə yerində saxlayıb.

Hücum edən şəxsin motivləri hələlik məlum deyil.

Qiymət Mahir