“Starship” raketi səmada yoxa çıxdı

“SpaceX” martın 6-da nəhəng “Starship” raketinin 8-ci sınaq uçuşunu həyata keçirib. Lakin raket havaya qalxdıqdan qısa müddət sonra kosmik gəmi ilə əlaqə kəsilib. 

TodayPress xəbər verir ki, bu barədə “Xinhua” məlumat yayıb. 

Bildirilib ki, “Starship” ABŞ-nin Texas ştatındakı Brovnsvil yaxınlığındakı şirkətin “Starbase” obyektindən havaya qalxıb.

Uçuşdan təxminən 7 dəqiqə sonra raketin “Super Heavy” gücləndiricisi buraxılış sahəsinə uğurla qayıdıb. Lakin “Starship” kosmik gəmisi hündürlük nəzarətini və yerlə əlaqəni itirib.  "Starship”in yüksəlişi zamanı raket sürətlə planlaşdırılmamış formada sökülməyə başladı və əlaqə kəsildi" deyə “SpaceX” şirkəti “X”də yazıb.   

Şirkət bildirib ki, komanda əvvəlcədən planlaşdırılan fövqəladə hallara cavab tədbirləri həyata keçirmək üçün dərhal təhlükəsizlik rəsmiləri ilə koordinasiyaya başlayıb.  “SpaceX”, əsas səbəbi daha yaxşı başa düşmək üçün uçuş testindən alınan məlumatları nəzərdən keçirəcəyini söyləyib. 

Töhfə Səməd