The Economist: Aİ Kiyevə dəstəyi ikiqat artırmalı olacaq

Vaşinqton Kiyevə yardımı dayandırarsa, Avropa İttifaqı (Aİ) ABŞ-nin yardımını kompensasiya etmək üçün Ukraynaya hərbi, maliyyə və humanitar dəstəyini ikiqat artırmağa məcbur olacaq.   

TodayPress xəbər verir ki, bu barədə "The Economist" jurnalı məlumat yayıb. 

Hesablamalara görə, 2022-ci ilin yanvarından Aİ və onun üzvü olan ölkələr Ukraynaya hərbi, maliyyə və humanitar yardıma 113 milyard avro xərcləyiblər.

ABŞ-nin Kiyevə ayırdığı yardımı əvəz etmək üçün Brüssel bu rəqəmi ÜDM-in 0,4%-nə çatdırmalı olacaq.   

Nəşr onu da qeyd edir ki, Aİ müdafiə xərclərini ÜDM-in 4-5%-nə qədər artırarsa, ABŞ-nin dəstəyi olmadan uzunmüddətli perspektivdə müstəqil şəkildə öz müdafiəsini təmin edə biləcək.

Onun sözlərinə görə, Aİ ölkələrinin müdafiəyə cari ümumi xərcləri 325 milyard avro təşkil edir ki, bu da ÜDM-in 1,8%-nə uyğundur.

Lakin NATO-nun hədəf həddi olan 2%-dən aşağıdır.

Töhfə Səməd