Tramp ABŞ-ın Qrenlandiyanı ilhaq edəcəyinə inanır

ABŞ prezidenti Donald Tramp ölkəsinin Danimarkanın tərkibində muxtar ərazi olan Qrenlandiyanı ilhaq edəcəyinə inanır.

TodayPress xəbər verir ki, Tramp bunu NATO-nun baş katibi Mark Rutte ilə görüş zamanı deyib.

Tramp dəfələrlə Qrenlandiyanın ABŞ-nın bir hissəsinə çevrilməli olduğunu iddia edib. Danimarkanın adaya nəzarətdən əl çəkməyəcəyi təqdirdə onu yüksək ticarət rüsumları tətbiq edəcəyi ilə hədələyib.

Qrenlandiya muxtar ərazi kimi Danimarkanın bir hissəsidir. 1951-ci ildə Vaşinqton və Kopenhagen ABŞ-ın adanı xarici təcavüzdən qoruyacağına razılaşaraq Qrenlandiya Müdafiə Müqaviləsi imzalanıb.

Adada Arktika bölgəsinin raket xəbərdarlığı sistemində və müşahidəsində rol oynayan ABŞ-nın Pituffik Kosmik Bazası yerləşir.

Aynur TAC