Tramp:"ABŞ iqtisadiyyatda tarixi uğur qazanacaq"

"ABŞ iqtisadiyyatda tarixi uğur qazanacaq"

TodayPress-in məlumatına görə, bunu ABŞ Prezidenti Donald Tramp "Truth Social" səhifəsində bir sıra ölkələrə qarşı cavab rüsumlarının tətbiqi ilə bağlı son qərarını şərh edərkən yazıb.

"Biz görünməmiş miqyasda şirkətləri və iş yerlərini ölkəmizə qaytarırıq. Artıq 5 trilyon dollarlıq sərmayə əldə etmişik. Bu məbləğ artacaq” o bildirib.

Trampın sözlərinə görə, ticarət tarifləri Çin iqtisadiyyatına ABŞ-dən daha çox zərbə vurub.

"Pekin Vaşinqtondan daha çox əziyyət çəkib. Onlar və bir çox başqa ölkə bizə qəbuledilməz dərəcədə pis rəftar etdilər. Bu, iqtisadi inqilabdır və biz qalib gələcəyik. Yekun nəticə tarixi olacaq".