Türkiyə ilə sərhəddə yerləşən “Marqara” keçid məntəqəsində Ermənistan hərbçiləri xidmət aparacaq

Bu gündən etibarən Ermənistanın Türkiyə ilə sərhəddə yerləşən “Marqara” keçid məntəqəsində Ermənistan sərhədçiləri xidmət aparacaq.

TodayPress Ermənistan KİV-ə istinadən xəbər verir ki, bu barədə ölkənin Baş naziri Nikol Paşinyan məlumat yayıb.

Ermənistanla Türkiyə arasında dövlət sərhədinin bağlanması səbəbindən “Marqara” keçid məntəqəsi fəaliyyət göstərmir.

2022-ci ilin yayında Ermənistan Respublikası hökumətinin qərarı ilə keçid məntəqəsi təmir olunub və orada Rusiya Federasiyası Sərhəd Qoşunlarının bölmələrinin daimi xidməti başlayıb.

“Marqara” sərhəd-keçid məntəqəsinin Ermənistan Respublikası Sərhəd Qoşunlarının tabeliyinə verilməsi o deməkdir ki, 2025-ci il martın 1-dən Ermənistana daxil olan və ölkədən çıxan bütün şəxslərə sərhəd nəzarəti müstəsna olaraq Ermənistan Sərhəd Qoşunları tərəfindən həyata keçiriləcək” Paşinyan qeyd edib.