Yaponiya ABŞ ilə tarif razılaşmasında tələsmir

Yaponiyanın Baş naziri Siqeru İsiba bəyan edib ki, Yaponiya ABŞ ilə gözlənilən ticarət danışıqlarında tarif tədbirləri ilə bağlı razılaşmaya tələsməyəcək.

TodayPress xəbər verir ki, bu barədə “Sinxua” məlumat yayıb. 

Aprelin 14-də, Nümayəndələr Palatasının Büdcə Komitəsinin iclası zamanı İsiba ətraflı təhlil əsasında Yaponiyanın milli maraqlarına uyğun gələn nəticənin əldə edilməsinin vacibliyini vurğulayıb.

Parlamentdəki müzakirələr ABŞ-nin Yaponiya ixracına əhəmiyyətli dərəcədə mənfi təsir göstərəcək son tarif tədbirləri üzərində qurulub.

Yaponiya hökuməti bu həftə başlayacaq ikitərəfli danışıqlara hazırlaşır.

ABŞ-nin tətbiq etdiyi tarif tədbirləri arasında Yaponiyanı ən çox narahat edən avtomobil tarifləridir.

2024-cü ildə Yaponiyanın ABŞ-yə avtomobil ixracı ölkəyə ümumi ixracının 28,3 faizini təşkil edib.

Yaponiya Avtomobil İstehsalçıları Assosiasiyasının məlumatına görə, 2024-cü ildə ABŞ-yə təxminən 1,37 milyon avtomobil ixrac edilib.

Avtomobil sənayesinin müxtəlif sektorlarla geniş əlaqələri səbəbindən ABŞ-nin tətbiq etdiyi tarifdən Yaponiyanın polad və paylama kimi əlaqəli sənayeləri də ciddi formada təsir görəcək.

Töhfə Səməd