Zaxarova Qərbin Zelenskiyə hörmətsiz münasibətindən danışdı

"Qərb Ukrayna prezidenti Volodimir Zelenskiyə ikrahla yanaşır və bunu gizlətmir".   

TodayPress xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova özünün "Telegram" kanalında bildirib. 

"Zelenskinin idarəçiləri (ABŞ – red.) ona hansı iyrəncliklə yanaşırlar? Onlar bunu gizlətməyi belə lazım saymırlar.

Onlar onu bütövlükdə alıblar, istifadə ediblər və indi çirkli, qanlı əllərini onun üzərinə silirlər" o yazıb. 

Zaxarova ABŞ-nin keçmiş dövlət katibi Antoni Blinkenin Zelenskinin özünün Vaşinqtona hərbi yardım müqabilində Ukraynanın mineral sərvətləri ilə bağlı razılaşma təklif etməsi barədə bəyanatını belə şərh edib.

Töhfə Səməd