“Lion” baş məşqçisini itirə bilər

“Lion” futbol klubunun baş məşqçisi Paulu Fonsekanı ağır cəza gözləyir.

TodayPress xarici mətbuata istinadən xəbər verir ki, portuqaliyalı mütəxəssis Liqa 1-in XXIV turunun “Brest”lə (1:0) oyununda referiyə qarşı qeyri-idman hərəkəti edib. 

O, matçın ikinci hissəsində baş hakim Benua Milloya hücum edib. Referi isə Fonsekaya qırmızı vərəqə göstərib. 

Fransa mətbuatı “Lion”un çalışdırıcısını 7 aylıq diskvalifikasiya gözlədiyi xəbərini yayıb. 

Paulu Fonsekanın davranışını xüsusi komissiya araşdıracaq. 

Namiq HUN