Udalqe “Spartak”da rekord qırdı

Moskvanın “Spartak” klubunun futbolçusu Manfred Uqalde Premyer Liqada rekorda imza atıb.

TodayPress xəbər verir ki, kosta-rikalı hücumçu Rusiya çempionatları tarixində ardıcıl üç oyunda 8 qol vuran ilk futbolçu olub.

Bundan əvvəl İqor Simutenkov, Artyom Dzyuba, Vaqner Lav və artıq karyerasını bitirmiş Seydu Dumbiya ardıcıl üç matçda 7 qol vurmuşdu.

Qeyd edək ki, Uqalde 2024-cü ilin yanvarında “Spartak”a transfer olunub. 22 yaşlı futbolçu meydana çıxdığı 21 matçda 15 qol vurub və 3 məhsuldar ötürmə edib.

Namiq HUN