Ukraynalı qolkiper daha 6 il “Real”da

"Real Madrid" klubu ukraynalı qapıçı Andrey Luninlə müqaviləni uzadıb.

TodayPress xəbər verir ki, yeni müqavilənin müddəti 30 iyun 2030-cu ilə qədərdir.

Qeyd edək ki, Lunin "kral klubu"na 2018-ci ildə qoşulub. O, 2020-ci ildən əsas komandanın heyətinə cəlb olunub. 

Bu illər ərzində Andrey Lunin “Real”la 2 Çempionlar Liqasının və 1 Klublararası dünya çempionatının qalibi olub. O, həmçinin Madrid təmsilçisi ilə 2 UEFA Super Kubokunu, 2 La Liqa çempionluğunu, 1 İspaniya Kubokunu və 2 İspaniya Super Kubokunu qazanıb.

Namiq HUN